82 ari apushitaywan, Mamallakta Tantanakuyka kay Ley de Seguridad Social kamachiy mushukyachinata arinirka shinallatak Comisión de Tránsito del Ecuador (CTE) tantanakuypi llamkak ayllukuna Instituto Ecuatoriano de Seguridad Social (IESS) tantanakuyman ishkay chunka pichka watata, mashna watayuk kashpapash chanishka kashkapaka samana hayñitapash riksirkakuna.
Mamallakta Tantanakuyka, 92 ari apushitaywan, Kay Ley Orgánica Reformatoria a Varias Leyes Respecto de la Discriminación por Edad en el Sistema Laboral kamachiyta arinirka kaypika llamkaykuna pakta pakta kana kan wamrakuna shinallatak 40 watayukpash pakta llamkayman chayachun.
Hunkaypi llamkashkata willaypi, Mamallakta Tantanakuyta pushak, Viviana Veloz, willarkami kay kulla killa 2025 watamanta, 1.000 ayllukuna wañishkata, kasiklla kawsanata rikuk Plan Fénix llaktayta riksichichun imashinalla llakta pushak kay llaktapi llakikunata chimpapuranapi, achka llaki rikurishkamanta ñawinchinka, Shinallatak, mushuk ministro del Interior pushak, Fausto Buenaño runata shutichishkatapash ñawinchishun nirka, payka Fitu shuti riksishkawan makipuray tiyashka shina nishpa shinallatak paypak charishkapash mana allishina rikurishkamanta, nirka.
Kay Transparencia, Participación Ciudadana y Control Social Minkarishkakuna kullkimanta utkashpa ruranapak chayachishka kay Ley Orgánica para Impulsar la Economía de las Mujeres Emprendedoras del Ecuador kamachiypak llamkaywillayta shukniki rimanakuypak arinirka, kay killkataka Mamallakta Tantanakuy pushakman chayachishka kanka.
Mamallakta Tantanakuyka, 114 ari apushitaywanmi, Ernesto Pazmiño kamachi killkak mañashkata arinirka, kaypika runa kawsayta istallaktapi wakllichishakta shitarinkapak shinallatak Ecuador llakta ayllukuna kikinkaypi ama wakllichishka kachunmi rikunka.
Kay kamachiy rurana killkaka kay renales crónicas ancha unkushka ayllukuna pakta hampirinata shinallatak tukuy mutsushkata paktanapimi yanapanka shinallatak Llaktapushakmanta hampinapak, pakta kanapak, shinallatak yanaparinapak hayñita charinapia, Salud Minkarishka allichishka llamkaywillaypika.
88 ari apushitaywan, Mamallakta Tantanakuyka Daniel Ramos kamachi killkak mañashkata arinin, kaypika Llakta pushakta kay Red Vial Amazónica ñankunata allichichun kayachin, kayka Sucumbios markamanta Zamora Chinchipe markaman chayan. Kay yuyarinakushkawanka ñankunata allichinapak shinallatak ñankunapi tiyashkata rikunapak kullkita chayachichunmi mañan.
Mamallakta Tantanakuyka Ecaudor llakta ayllukuna istallaktapi kawsakukta mitsarirka paykunaka Estados Unidos llakta llaktaykuna wakllichishkata shitarirka, kayshina rikuykunaka istallakta paktarina mana kanchu nirka.
Mamallakta Tantanakuypimi Ley Sobre Obligatoriedad de Disponer de Desfibriladores Externos Automáticos Portátiles (DEA) kamachiy killkata shukniki rimanakuypi riksirkakuna, kay rimanakuyka Derecho a la Salud y Deporte Minkarishkapi allichishka llamkaywillaypimi paktarirka.
Mamallakta Tantanakuyta pushak (m), Esther Cuesta, kay awaki 27 puncha kulla killami, economista Roberto José Romero Von Buchwald runata, superintendente de Bancos tantanakuypak mushuk pushakta llamkay kallarichirka, kay llamkaypakka Consejo de Participación Ciudadana y Control Social (CPCCS) tantanakuymi, 4 puncha kapak killa 2024 wata akllashka karka.
