80 ari apushitaywanmi, Mamallakta Tantanakuyka shuk kunanpaklla Akllashka Minkarishkata wiñachinapak arinirka, paykunaka Llakta pushakpak llamkashkapi llakikuna rikurishka nishkata ñawinchinapi llamkanka, kay llakikunaka Ecuador llakta ayllukunatami wakllichin nin.
Kay Cuerpo de Vigilancia de la Comisión de Tránsito del Ecuador (CTE) tantanakuypi llamkak ayllukuna akllashka samarinata yanapanapak, paykunapak llamkayka chinkayashka kashkamanta, chaymanta 25 watakunata kullkiwan kimirishka kipa, mashna wata charishkata mana rikushpa chayachinapakmi kay Ley de Seguridad Social kamachiy mushukyachinapak kamachiyta mashkakuna, Mamallakta Tantanakuypi shukniki rimanakuyta yallirka.
Mamallakta Tantanakuyka llaktakunaman chayanka -10 punchamanta 16 punchakaman raymi killapi- llaktayukkunwan tawka rimanakuyta paktarka, kay rimanakuykunapika kamachiy rurana imashinalla paktakushkatami riksichirka, shinallatak arinishka shinallatak rurarikuk kamachykunatami riksichirka.
Mamallakta Tantanakuyka, kay Sala Penal, Penal Militar, Penal Policial, Tránsito, Corrupción y Crimen Organizado Ukumanta Kamak kay Corte Nacional de Justicia tantanakuypi pakashka nishpa shutichishka, pakta willayta mana charishkamanta shinallatak Mamakamachiy rikuchishkata mana pakta katishkamanta; shinallatak, ashtawankarin, taripayta kallarinapak mañashka ukupi chyashinallatak rikurishkamanta, tawka pantarikunami tukuy riksichishka killkapi alliyachiy usharin, shinallatak taripanapak killka N.° 17721202400020 riksiy ushashkachu, kay mañaypimi María Verónica Abad Rojas runa, Ecuador llaktapak kipapusahk ta taripay kallarinapak imamanta mañashkata chayachishka.
Mamallakta Tantanakuy, kay 933 niki rimanakuypi, Ecuador llaktapi shinallatak Latinoamérica suyu llaktakunapi Warmikuna apushitay kallarishka Shuk Patsak watakuna paktashkamanta yuyarishpa sumaycharka, kay pachakunapimi atirik Matilde Hidalgo Navarro warmi llaktapi kari warmi paktakaman chayashkata yuyarin. Shinallatak, shuk yuyarinakushka killkawan, Mamallakta Tantanakuy wasi ukuman yaykunata Ecuador llakta ayllupak shutita churarka, payka Loja llaktamantami karka shinallatak paypak kawsayta shinallatak paypak llamkashkatapash wiñayta yuyarinapak shuk unanchakillkata churarka.
Mamallakta Tantanakuypimi kay Ley Orgánica para la Aplicación de la Consulta Popular y Referéndum del 21 de abril de 2024 kamachiy rurana killkata shukniki rimanakuypi riksirkakuna, kay kamachiywanka Código Orgánico Integral Penal (COIP) shinallatak Ley Orgánica de Extinción de Dominio kamachiytami mushukyachinka.
Henry Kronfle, Mamallakta Tantanakuyta pushak shinallatak Joaquín Hernández, kay Universidad ECOTEC sumak yachanawasita pushak, llamkaywasipira llamkanapak shuk yuyarinakushka killkata shuti aspirka, kaywanka yachayman paktanapak shinallatak yachashpa katinapakmi yanapanka.
Mamallakta Tantanakuyta pushak, Henry Kronfle nirkami sinchita, Llakta pushak kay COOTAD kamachiyta, shuktak kamachiykunatapash mushukyachina killkata tukuy mananishkawanka, markata, kitikunata, ayllu llakta kitillikunata pushaktami wakllichin, Mamallakta Kullkillamkayta wakllichin nishkamanta
Kay seguridad social tantanakuypak llikata sinchiyachinatami kullkiwan mushuk llamkayta purichinapak shinallatak llamkay achiklla kanatapash mashkakun, kay ruraykunatami kamachiy rurana killkawan tawka kamachiykunata mushukyachishpa Seguridad Social en Ecuador tantanakuy pakta llamkay charichun mashkakun, kay kamachiytaka Ley Esse shutiwan rikshin, Mamallakta Tantanakuymi kay kulla puncha 74 ari apushitaywan arinirka shinallatak Llakta pushakpakman chayanka kaypi arinichun nakashpaka allichinapak rikuchichunpash.
Kay kullka puncha, 09H00 pacha tutamantapakmi, Mamallakta Tantanakuyka N.° 922 niki rimanakuyta kutin kallarinapak kayachishka, kaypimi Ley de Seguridad Digital kamachiy rurana killkata apushitanapak shuyakun, kay kamachiyka llakichikta shinallatak tantarishpa llakichikkunata chimpapuranapakmi yanapanka.
