Kay chishi, Mamallakta Tantanakuyta pushak, Viviana Veloz kamachi killkak hampinapi kanchamanta yanapak wankuri pushakkunawan rimanakurka, paykunaka kay wankurikuna llamkaypi llakikunata Ecuador llakta ayllukuna charishkapi yanapashkatami riksichirka, ashtawankarin kay wankurikuna 2023 watapi llamkashkamanta chani manarak chayashkamanta llakikunata riksichirka.
Mamallakta Tantanakuy llaktaman chayarka, El Sol kuska Turubamba kitilli, Quito kullasuyupi, Mamallakta Tantanakuyta pushak, Viviana Veloz kamachi killkakka, Kamachi Awllipi kay yallik hunkaypi llamkashkatami riksichirka.
Markakunamanta wankurishka taxi antawa purichik 300 yalli ayllukuna kay Federación Nacional de Operadoras de Transporte en Taxis del Ecuador (Fedotaxis) tantanakushkakunami, Mamallakta Tantanakuyta pushak, Viviana Veloz pushakwan rimanakunkapak, paykunaka Corte Constitucional tantanakuy willachishka killkata kay plataformas digitales llikamanta paktachinapakmi chayamurkakuna.
Mamallakta Tantanakuyta pushak, Viviana Veloz kamachi killkakka Minkarishkapi yachak llamkakkunawan shuk rimanakuy llamkayta charirkakuna, kaypimi Kamachiy rurana killkakuna Minkarishka ukupi imashinalla llamkaypi paktakushkata riksirkakuna, kashna riksishkawanmi llamkayta utkachishun nirkami.
Mamallakta Tantanakuy, Viviana Veloz Ramírez pushak, kay chillay 9 puncha wayru kulla, hatun rimanakuypi, Guayaquil llaktata sumaycharka, 204 watakuna kishpirishka paktashkamanta, kay atiriypimi Ecuador llakta kishpirinapak purina kallarirka, llaktayukkunawan kay hatun rimanakuyka Universidad Tecnológica Empresarial de Guayaquil (UTEG) sumak yachana wasipak ukupimi paktarirka.
Mamallakta Tantanakuypi, tukuy chaypikakkuna, 116 ari apushitashkawan Sevilla Don Bosco kitillita kay Morona Santiago markapi wiñachinapak arinirka, kayshina yuyarinakushkawanka kay suyu llakta kullkillamkaypi shinallatak llaktayuk wiñarinapak mashkashpa, pushayta llaktayukman kichkiyachishpa shinallatak llakta charishkatapash alli paktashpa, kayshina llaktayuk ayllukunapak kawsay alliyachun.
Willachikkuna kallari rimanakuypi, Mamallakta Tantanakuyta pushak, Viviana Veloz pushakka Kamachiy Awllipi pushanapak akllarishka shina kay kallari hunkaypi llamkashkatami kallarishpa riksichirka.
"Kay pushayka paskashpa punkuwanmi, tukuykunata wankurinaman, rimanakunaman, shuktakyachinaman shinallatak Ecuador llaktayuk mutsushkata paktanaman, Mamallakta Tantanakuypak llamkaywan tinkichinamanmi kayachin", Mamallakta Tantanakuyta pushak, Viviana Veloz, kashnami Kamachiy Awllipak llamkakkunawan, tukuy llamkaykunapakman chayashpa", nirka.
Kay Consejo de Administración Legislativa (CAL) wankuriy, kay Ley Orgánica de la Función Legislativa (LOFL) kamachiypak 56 niki killkata paktachishpa, Shukllamanta Chuya Zirmata kallarichinata pushanapakmi kay kamachiyta yanapanka, llakta pushak, Daniel Noboa kachashka; kay Desarrollo Económico Minkarishkami tukuyta riksishpa allichinkakuna, shinallatak Ley Orgánica del Servicio Público de Energía Eléctrica kamachiyta mushukyachinapak tantachinka kayshina zirma illakta chimpapuranapak.
Viviana Veloz, Mamallakta Tantanakuyta pushak, Wiñaypak Minkarishkata pushakkunawan rimanakuyta charirka, paykunawanka kunan pushay llamkaypi Kamachi Awllipak llamkay paktanatami rimanakurkakuna.
