Kay kamachiy rurana killkaka kay renales crónicas ancha unkushka ayllukuna pakta hampirinata shinallatak tukuy mutsushkata paktanapimi yanapanka shinallatak Llaktapushakmanta hampinapak, pakta kanapak, shinallatak yanaparinapak hayñita charinapia, Salud Minkarishka allichishka llamkaywillaypika.
15 kamachi killkakkuna rimarishka kipa shinallatak pakta pakta rikushka kipami, Mamallakta Tantanakuyta pushak. Esther Cuesta, rimanakuyta wichkarka shinallatak kamachiy killkana kamuka Salud Minkarishkaman tikrachun mañarka, paykuna kay ishkayniki rimanakuypak llamkaywillayta allichichun.
Riksinakushka
Kay llamkaywillayka, kay kamachiyta charina ninmi kaywanka Ecuador llakta waranka waranka ayllukunami kawsaypi yanaparinka shinallatak hampina yanapaypash ancha alliyanka shinallatak utkashpa yanapayta chayachinkapash.
Kay llamkaywillayta riksichiypika, Humberto Tapai kamachi killkakka llaktapi kamachiyta ruranami kan nirka; unkuykuna hampinata, riksichinata shinallatak harkanatapashmi yanapanka, nirka.
Nirkami, Ecuador llaktapika ishkay hunu ayllukunami renal unkuyta charinkuna; shinallatka shuk hunu unkushkamanta alliyakkunaka 1 074 runakunami paktan shinallatak istallakta yupaypika 700 unkushkakunami rikurin; shinallatak hunu unkushkamanta renal unkuy charikkunaka 206 ayllukunami alliyan shinallatak istallakta yupaypika 140 ayllukuna alliyan ninmi.
Kamachiyka kay yanapayta paktanapak riksichin; allikana, willayta pakalla charin; kikinkay; paktanalla; llaktayuk kimirinalla; llaktapuray; shinallatak yanapay munay charina.
Kamachiywan paktanapak yuyayka renal unkushka ayllukuna tukuy pakta hampiriyta charichunmi, unkuy kallarishkamanta (3 Niki) kayshina alli yanapayta chayachinapak, renal ukun aycha ama ashtawan wakllirichun shinallatak TRR yaykunamanta chikanyachichunpash; wasi ayllukunapak kawsaytapash alliyachina, runapak hayñimanta shinallatak tukuy ayllukunata pakta pakta mana chikanyachishpa yanapanapa, nirkami.
Rimanakuy
Unkushkakunata pakta hampishpa hampikunawan rikunapak hayñikuna ancha mutsurishka yuyaypi 15 kamachi killkakkunami rimankushpa yuyaypi paktarirkakuna. Yupaykunata, kayshina unkuypi yanapak hampina wasikunapi mutsurishkakuna shinallatak hampikunapash illanmi nishpa unkushka ayllukuna kaypi riksichirka.
Patricia Nogales, ñukanchik llaktapika, ancha unkuykunaka 798 waranka yalli ayllukunatami wakllichishka, tukuymantaka 19 300 unkushkakunaka renal shuktakta churanapak shuyakun; chay yupaykunaka utkashpa yanapaywan chayanapakmi kayachin. Kamachiy killkawanka llaktapi hampirinapi unkuyta ñawpash riksinapak, hampinapakmi kan, shinallatak unkushka ayllukunapak kawsay alliman yanaparichunmi rikunka, nirkami.
Rosa Mayorga runaka llaktaka shuk sinchi yanapak kamachiytami mutsun nirka, kay llakita pakta chimpapuranapak, renal unkuypi llamkanapak shinallakta diálisis, hemodiálisis shinallatak shuktak yanapay chaskikunapask alli hampiriy chayachun. Kay kamachiyka unkuyta utkashpa harkanapi, shinallatak utkashpa hampinapimi yanapanka.
Con prevención se disminuye el gasto público, así como la muerte de muchos pacientes indicó Dennys Realpe, al puntualizar que el tratamiento de la ley es urgente para cada uno de los pacientes renales que se quejan en escasez y de tratamientos. Juan Carlos Rosero precisó que la propuesta constituye una respuesta primordial y necesaria para construir un sistema de salud más inclusivo y eficiente.
Unkuyta harkashpaka llaktapak kullkimi mana tukurin, shinallatak unkushka ayllukunapash mana wañun, kashnami Denny Realpe runaka nirka, kamachiyta utkashpa ruranaka renal unkushka ayllukuna yanaparichun ama illachun shinallatak utkashpa paktarichunmi rikuranka.
Unkushkakunapak rimashka
Llaktayukta chaskinapika, Gabriela Álvaro Pallares, Pichincha markapi renal unkushkakuna wankurishkata pushak; shinallatak, Eduardo Guerrero llaktayuk ayllupash. Unkushka ayllukunata pakta hampikuna shinallatak yanapaywanpash rikuchunmi kayachirka, unkushkakunaka yuyakkuna wakcha ayllukunami, nirka.
Gabriela Álvaro, 24 waranka renal ancha unkushka ayllukunamanta shuk aylluka, hampiranapi ancha llakikuna charishkatami riksichishpa willakra. Eduardo Guerrero, kay unkuyka tukuy kawsaytami shuktakyachin nirka, unkushkapak kawsayta shinallatak wasi ayllukunapak kawsaytapash, shinallatak paypak unkuyka, insuficiencia renal paktayman yallinaka hampikuna illashkamantami kan, nirka. Mamakamachiy rikuchishkata paktachinapak kayachirka; yanapak ayllukunata mirachichun nirka; llamkaymanpash paktachina renal unkushkakunata; hampina wasikunapi hampina tiyana kan, nishpami rimarka.
Riksirishka
Kay rimanakuy ñawpa, Mamallakta Tantanakuyka mari ruraypi, takinapi, kawsaytarpuypi shinallatak pakchiyachaypi riksirishpa yanapak ayllukunamanmi unanchata chayachirka.
RSA/cg-k
