82 ari apushitaywan, Mamallakta Tantanakuyka kay Ley de Seguridad Social kamachiy mushukyachinata arinirka shinallatak Comisión de Tránsito del Ecuador (CTE) tantanakuypi llamkak ayllukuna Instituto Ecuatoriano de Seguridad Social (IESS) tantanakuyman ishkay chunka pichka watata, mashna watayuk kashpapash chanishka kashkapaka samana hayñitapash riksirkakuna.
Jaime Guevara kamachi killkak, kay Derecho al Trabajo Minkarishkapi allichishka llamkaywillayta riksichik, nirkami kamachiy mushukyachinaka paktarinkami shinallatak CTE kimirishka llamkakuna llaktapak llamkashka kashpa, tisikuyashpa, yuyakyashka kashpa, wañukpipash yanapay chanita 11,6% patsakmanta 18,9% patsakkama killanta hapina kullkipi mirachinka.
Kimichishka chanika, 7.48% patsakman yallin, llamkakpak killa chanimanta hapinka shinallatak IESS tantanakuyman chayachinka kayshina yanapayta paktanapak, kashnami llamkaywillayka willakun.
Ashtawanka, "chikanyashpa samana yanapay paktanapak yupaypi chani mutsurishka paktarinapakka antawa purichikta wanachishka chanimanta shinallatak antawa purichina kamachiymantami yallinka", kashanami killkapi willakun.
"Kay kamachiyka 97 llamkakkuna, 599 runakunaka 25 watakuna yalli llamkakkuna shinallatak 3805 llamka ayllukunapashmi samana pachaman yallinapak shuyakun#, Guevara runaka nirka.
Rimanakuypika, Luzmila Abad, Mauricio Zambrano, Gabriela Molina shinallatak Roberto Cuero kamakachi killkakkuna yuyaypaktarirka kay CTE llamkakkuna ancha llakichiyman chayanallapi paktarin paykunaka antawa waktarinalla, mapa wayrapi, yalli uyanapi, k'aminapi, kawsay mapayaypi, shuktak llakikunapipash kashkamantami chikanyashpa samana pachaman kimirinkapak.
Shuktakmantaka, Pedro Velasco, Ramiro Vela y Adrián Castro kamachi killkakkuna kamachiyta shuktak mushukyayta rikuna nirka. Velsaco runaka nirkami, "Ecuador llaktapika, seguridad social paktayka llakipimi shinallatak Kamachi killkakkunaka ama wakllirichun rikunatami charinkuna". Vela shinallatak Castro kamachi killkakkunaka paktarirkami, "Kay llamkaywasi wakllrinalla kan chaymanta mana llakita mirachinachu" nin.
Llaktayuk Rimariy
Kamachi mushukyachishkata rikunapak arinina ñawpaka, César Garzón, Cuerpo de Vigilancia de la CTE tantanakuyta pushak, kay tantanakuypi llamkakkunata, ñankunapi kasiklla kawsay, kikin kawsaypi shinallatak aycha kawsaypipash paktachun yanapayta chayachichunmi kamachi killkakunata mañarka, kayshina yanapaykunami llaktayukta yanapashkamanta chayashka allikanka, nirka.
CV
Ashtawan Shuyukuna:
