Mamallakta Tantanakuyka, 114 ari apushitaywanmi, Ernesto Pazmiño kamachi killkak mañashkata arinirka, kaypika runa kawsayta istallaktapi wakllichishakta shitarinkapak shinallatak Ecuador llakta ayllukuna kikinkaypi ama wakllichishka kachunmi rikunka.
Kay yuyarinakushka killkawanka Ecuador llakta ayllukunapak kikin kawsaytami sumaychanka, chaymantami Llakta pushakta utkashpa yanapayta shinallatak ukllaytapash chayachichun mañankuna shinallatak chayamuk Ecuador llakta ayllukunaman kullkillamkaypi paktarichun kullkita achka pachakunapi tikrachinapak chayachinata rikuchin.
Kay yuyarinakushka killkawanka, Llakta pushaktami Ecuador llakta ayllukunaman tukuy mutsushkapi yanapachun chayachin shinallatak kay llaktapi llamkayman paktarichunpash yanapanka ninmi.
Shinallatak, Relaciones Exteriores y Movilidad Humana llamkaywasi, Gabriela Sommerfeld pushakta; Inclusión Económica y Social llamkaywasi, Zaida Rovira pushakta; Del Interior llamkaywasi, Mónica Palencia pushakta; Salud Pública llamkaywasi, Antonio Naranjo Paz y Miño pushakta; Trabajo llamkaywasi, Ivonne Núñez pushakta; shinallatak, Defensor del Pueblo, César Córdova pushakta kay Relaciones Internacionales y Movilidad Humana Minkarishkaman kayachin, kay shamuk 7 punchakuna ukupi, paykunaka istallaktamanta tikramuk ayllunata imashina yanapakushkata shinallatak llamkaypi kimichina llamkay paktakushkata riksinkapak.
Shuktakmantaka, Relaciones Internacionales y Movilidad Humana Minkarishkaman minkana, paykuna Ecuador llakta ayllukuna istallaktamanta tikramukpi kay llaktapi llamkayman kimichichun yanapachunpash. Minkarishkakunaka 45 punchakuna ukupi shuk pakta riksichik llamkaywillayta chayachinkakuna. Puchukaypika, Mamallakta Tantanakuypak Killkakamayukmi llaktallamkay wasi pushakkunaman kay yuyarinakushka killka willayta chayachinkakuna.
MEV/cg-k
Ashtawan shuyukuna:
