Hunkaypi llamkashkata willaypi, Mamallakta Tantanakuyta pushak, Viviana Veloz, willarkami kay kulla killa 2025 watamanta, 1.000 ayllukuna wañishkata, kasiklla kawsanata rikuk Plan Fénix llaktayta riksichichun imashinalla llakta pushak kay llaktapi llakikunata chimpapuranapi, achka llaki rikurishkamanta ñawinchinka, Shinallatak, mushuk ministro del Interior pushak, Fausto Buenaño runata shutichishkatapash ñawinchishun nirka, payka Fitu shuti riksishkawan makipuray tiyashka shina nishpa shinallatak paypak charishkapash mana allishina rikurishkamanta, nirka.
Veloz runaka nirkami Llaktapak llamkay wasi pushak kayshina rimaykunapi rikurishka mana alli kanchu. "Kasiklla kawsanata, pakta riksinata shinallatak ruraykunapak alli kachunmi mashkakunchik, ashta tapunami rikurin. Chaymantami Ecuador llakta wasi ayllukunata ukllashpa shinallatak kasiklla kawsayta maskashpa ñawinchiyta kallarishun", nirkami.
Shinallatak willarkami Mamallakta Tantanakuypi Las Malvinas chusku wamrakuna chinkarishkamanta llamkaywillayta riksishun, kaypika tawka rikuchishkakunami tiyan, kayshina, Llaktami rikunata charin nishka. Pushakka tukuy ruraykunatami paktanka kayshina llakikuna ama kunkarishka sakirichun.
Shuktakmantaka, kay Sacha (bloque 60) pampata chikanyay paktashkata ñawinchinka, Llakta pushak kay sasi killa 2024 watapi kallarirka. "Llakta pushakka Sacha pampatami shuklla charikman chayachinata mashkakun, kamay rikuchishkata mana paktashpa shinallatak Ecuador ayllukunata wakllichishpa, shuk 1.641 hunu dólar kullkipi (...). Kay pampata shuk mana yachakman chayachinaka Llakta pushak kay punkara charinapi mana riksishpa llamkaymi kan", nirkami.
Viviana Veloz runaka Llakta pushak llaktayukta yanapak kamachiyta tukuy allichinapak harkachin nin. Kay harkachiykunaka Mamallakta Tantanakuyta mana wakllichinchu, ashtawanpash llaktayukkunapak hayñitami wakllichin shinallatak kayshina rurayka llaktamanta karuayman pushak, wakchayashkamanta anchurishpa, kayshina wakcha kawsayka waranka waranka ayllukunatami llakichishka", nirkami.
Pushakkuna akllanamanta rimashpaka, TCE shinallatak CNE tantanakuyta kayachirka, kay Código de la Democracia kamachiy wakllichishkamanta rimarichunkuna, Daniel Noboa runa pushak akllarinapi wakllichishka, pushak akllarinapak samana pachata mana mañashpa. "Kay Tantanakuymanta ancha mancharina upallaymi tiyan kayshina ruraykunaka llaktayukkuna sumaychayman mana paktarin kay ishkayniki akllarinapi (...). Mamallakta Tantanakuyllami Llakta pushak mañashkaman mana kimirin, kayshuk tantanakuykunaka Llakta pushakpak paktarinakllamana chayarishka shinallatak Llakta pushak yalli llakichiyta mana rikushkakuna", nirka.
GL/sa/cg-k
Ashtawan Shuyukuna:
