Mamallakta Tantanakuyka, 92 ari apushitaywan, Kay Ley Orgánica Reformatoria a Varias Leyes Respecto de la Discriminación por Edad en el Sistema Laboral kamachiyta arinirka kaypika llamkaykuna pakta pakta kana kan wamrakuna shinallatak 40 watayukpash pakta llamkayman chayachun.
"Shuyanchikmi Llakta pushak kay kamachiyta ama harkachichun kaywanka 40 wata yalli charik ayllukuna wasi ayllukunapak mikunata mashkanapak yanaparinka", kashnami Mamallakta Tantanakuyta pushak, Viviana Veloz, nirka.
Shinallatak, Johanna Ortiz, llamkaywillayta riksichik, nirkami "llamkaypi pakta pakta kanataka tukuykunami mitsarina kanchik shinallatak Ecuador llaktapi tukuy yachak ayllukuna mashna watayuk kashapapash llamkayman paktarina ushachun".
Nirkapashmi tawka wamrakunami llamkayman yaykunapak mana charishka mañaykunata mutsun, kayshinaka llamkay paktanata harkarinkuna, kay llakikunaka kullkillamkayman kimirina ushaytami ashayachin, shinalaltak kikinkaymanta runa kawsayta sinchiyachinatapash ashayachin.
Llamakaypi mana wakllichinamanta, nirkami 40 wata yalli charik ayllukunata llamkayman kimichinapak paktachinata charina kan; kaywanka llamkayman yaykunapak watakuna mutsushkata mana rikushpa paktarichunkuna; kuchulla llakta ayllukunaman llamkayta chayachina; shinallatak, llamkayman kayachishkapipash chikanyachik rimaykunata anchuchinamanta.
Kay kamachiyka watayuk kashkamanta llamkaymanta llukshichinata harkan; yuyak kashkamanta llamkaymanta llukshichun mañayta; yuyak yachachikunata ukllan; shinallatak yuyakkuna kashkamanta llamkaymanta llukshichinatapash harkan.
Kay kamachiy rurana killkawanka, shuk llamkachik ishkay chunka pichka llamkakta charikkunaka, shuk (40) watayuk ayllukunata llamkayman hapina kan, kari warmikunata pakta pakta chayachun rikurashpa, kay kamachiy riksirishka pachamanta ashtawan mirarishpa katichun.
Ishkayniki wataka, tukuy llamkakkunamanta 1% patsakmi kana kan, kimsa watapika 2% paktsak, chusku watapika 3%, pichka watakama 4% chayanapak tukuy llamkakunapi, chay wata kipaka kay paktami katinka. Llamkachik kay mañashkata mana paktachikpika llamkayta pushak wanachishkami kanka.
Kamachi rurana killkaka llaktayukkuna yuyay chayachishkawan shinallatak llamkayta mana charik wamrakuna mashkawan allichishkami kan.
RSA/cg-k
Ashtawan Shuyukuna:
