Mamallakta Tantanakuypi llamkayta sinchiyachina yuyaywan, kay 5 punchamanta 12 puncha sitwa killa 2024 watakama, Mamallakta Tantanakuypak killkakamay uku shinallak Coordinación de Participación Ciudadana wankuriykuna yachachiyta paktarkakuna, yachanamanka wiñaypak nakashpaka ashalla pachapak minkarishkapi killkakamayukkuna, willak prosecretario shinallatak yanapak llamkakkunami kayachishka karka.
Mamallakta Tantanakuyta pushak, Henry Kronfle Kozhaya shukyanchishpami Llakta pushak willashkata achikyachirka, kay yuyaykunapi Wilman Terán shinallatak Maribel Barreno runakunata Llaktay Ñawinchiykunamanta, kawsanapak mutsurishkata, consulta popular taripaymanta kamachiy ruranata, Canciller pushakta llaktay ñawinchiyta shinallatak shuktak yuyaykunatapash, llaktaka tukuytami riksina munan nirkami.
Mamallakta Tantanakuypi tukuykunami, 132 ari apushitaywan arinirka, kay Ley Orgánica para la Aplicación de la Consulta Popular y Referéndum del 21 de abril de 2024 kamachiypak puchukay killkata arirka, Comisión Multipartidista Minkarishkakuna kay ishkayniki rimanakuypi tantachishka yuyaykunata allichinapak 48 sayllikunata mañashka paktashka puchukashka kipa.
“Matilde, la Pionera” shutiwan, 100 warmikuna apushitay kallarishkata yuyarishpa, 22 markakunamanta yachakukkunami Mamallakta Tantanakuy kay Instituto de la Democracia shinallatak Observatorio de la Política de la Mujer tantanakuy yanapashwan kay Shukniki Yachaymishanakuy kayachishkaman chayamurkakuna.
Kunanllapak churashka Minkarishkakunaka kay Consulta Popular taripaypi mañashkata mushukyachinapika, chaypi kak tukuy pichkakunami, kay Ley Orgánica para la Aplicación de la Consulta Popular y Referéndum del 21 de abril de 2024 kamachiy rurana killkapak ishkayniki rimanakuypak llamkaywillaypika wanachina pachakunata mirachina nishpa arinirkakuna, kayshina yuyaykunawanmi llaktayukkuna apushitashpa mañashkata paktachishun, nirka.
Llaktayuk mañashkata paktachishpa shinallatak allichinapak pachakunata katishpa, Mamallakta Tantanakuyka kay Ley Orgánica para la Aplicación de la Consulta Popular y Referéndum del 21 de abril de 2024 kamachiyta allichinapak shinallatak Código Orgánico Integral Penal (COIP) kamachiyta Ley Orgánica de Extinción de Dominio kamachiytapash mushukyachinapak riksishpa kallarirkakuna.
Mamallakta Tantanakuy llaktakunama chayan - kay 24 punchamanta 28 punchakama raymi killa 2024 watapi - tawka llamkaykunata paktarka, llaktayukkunapash Mamallakta Tantanakuypi llamkaykuna paktarikushkata riksirkakuna.
Kay yuyaypimi Mamallakta Tantanakuyta pushak, Henry Kronfle Kozhaya, kimirirka, kay "Eloy Alfaro Símbolo de Libertad" unanchata chaskirka, Confederación de Periodistas del Ecuador y Global Académicos Internacional tantanakuy ayllukunaman shinallatak wankurikunamanpash riksirishkamanta chayachin, kay raymika Mamallakta Tantanakuypak José Mejía Lequerica wasi ukupi, kullka 27 puncha raymi killa paktarka.
Mamallakta Tantanakuyka kay 17 punchamanta 21 puncha, raymi killa, 2024 katakamaka llaktakunapi tawka llamkaytami charirkakun. Kaykuna, Llaktapak llamkaywasi llaktayukpak alliman yallichun tawka ruraykunata, arinishka kamachiykunata, allichirikuk kamachiykunata shinallatak llaktayukta kiminichinapak hillaykunatapash riksichirka, shinallatak Concurso Nacional de Oratoria yachay mishanakuypash, kallari akllarinapi tukuy llaktapak kay 24 Casas Legislativas wasikunapimi paktarka.
Tukuykunami, Mamallakta Tantanakuypi, 121 ari apushitaywan, kay Ley de Prevención, Detección y Combate del Delito de Lavado de Activos y de la Financiación de Otros Delito kamachiy rurana killkata arinirkakuna, kaywanka Consejo Nacional de Coordinación contra el Lavado de Activos y sus Delitos Precedentes, la Financiación del Terrorismo y de la Proliferación de Armas de Destrucción Masiva (CONCLAFT) tantanakuytami wiñachin, kayshina mapa kullki charinata pakta chimpapuranka.