Kunanllapak churashka Minkarishkakunaka kay Consulta Popular taripaypi mañashkata mushukyachinapika, chaypi kak tukuy pichkakunami, kay Ley Orgánica para la Aplicación de la Consulta Popular y Referéndum del 21 de abril de 2024 kamachiy rurana killkapak ishkayniki rimanakuypak llamkaywillaypika wanachina pachakunata mirachina nishpa arinirkakuna, kayshina yuyaykunawanmi llaktayukkuna apushitashpa mañashkata paktachishun, nirka.
Kaymanta rimashpaka, Steven Ordóñez mañay chayachishkapika llaktayukkuna munaywan mañashkatami tantachin nin. Shinapash, kamachiy rurana killkapak 7 niki killkatami mushukyachin, kay wanachinakunaka kay llakikunapimi paktarinka; chukita pakalla llukshichinapi, makillawan nakashpaka tantanakushpa llakichikkuna hatun llukshichikpipash; wanachinakunaka 16 watamanta 20 watakaman rinka; 22 watamanta 26 watakamami miranka pachamamata sinchita wakllichishka kakpika.
Yuyarinami kanchik kay kamachiy rurana killkamanta ishkayniki rimanakuy, awkarik puncha paktarishkapika, wanachinata yachakkuna shinallatak Fiscalía General del Estado tantanakuymanta yachakkunami kamachiy rurana killkata rikushpa yuyaykunata chayachirka, kaypika Llakta pushakmanta riksichishpa chayachishka wanachinakunata pakta rikunami kan, nirka.
Shinallatak, ashtawan rimanakushka yuyaykunaka kaykunami karka, Mamallaktachiy imashina llakikunata chimpapuranamanta; llaktapi llamkakkuna llakichikpi imashina wanachinamanta; wanachinata llakichishkawan chimpapurashpa paktachinamanta; Corte Constitucional tantanakuy yuyarishka maykama chayanamanta; tantanakushpa llakichikta chimpapuranamanta; kayshina llakikunata chimpapuranapak llaktaykunata allichinamanta; llakichikta tukuymanta chimpapuranamanta; shinallatak 200% paktaman llakikuna mirakushkamantami rimanak
Puchukaypi allichishka killkaka kay Consulta Popular taripaypi mañashkamanta mushukyachinata rikukuk Ashalla Pachapak Minkarishkakuna arinishka killkami Mamallakta Tantanakuypi riksinapak tikramunka, kaypi riksishpa apushitanapak.
EG/am/cg-k
