Llaktayuk mañashkata paktachishpa shinallatak allichinapak pachakunata katishpa, Mamallakta Tantanakuyka kay Ley Orgánica para la Aplicación de la Consulta Popular y Referéndum del 21 de abril de 2024 kamachiyta allichinapak shinallatak Código Orgánico Integral Penal (COIP) kamachiyta Ley Orgánica de Extinción de Dominio kamachiytapash mushukyachinapak riksishpa kallarirkakuna.
Kay Comisión Multipartidista Minkarishkata pushak, Carlos Vera Mora, mañashkamantami ishkayniki rimanakuyka, 48 sayllikunata harkarirka, kamachi killkakkuna chayachishka yuyayta allichinkapak. Mañashkapi llamkayka 62 niki killka, 8 niki killka kay Ley Orgánica de la Función Legislativa kamachiypi paktarishkami kan.
Rimanakuypika wanachinata pakta yachakkuna shinallatak Fiscalía General del Estado tantanakuymantapash rurankunami yuyaykunata chayachirkakuna, paykunaka niki killkakunapakmi yuyaykunata chayachirka, Llakta pushakmanta chayachishka tawka wanachina nishkata pakta rikunata rikuchishpa.
Mamallaktachiymanta llakichiykunata chimpapuranamanta, llakichikkuna wanachinamanta shinallatak mana krinakuna llakichiynamanta, wanachinakuna pakta pakta chayachinamanta, wanachinata tupunamanta, kay Corte Constitucional paktarinata riksinamanta, tantarishpa llakichikta chimpapuranamanta, kay llakikunata rikunapak llaktapak llaktaykunata chayachinamanta, llakichikta chimpapuranapak llamkayñan ruranamanta shinallatak 200% patsakman llakikuna mirashkamanta
Rimanakuna ñawpaka, llaktayuk rimarinapi, yachak Pablo Encalada runatami chaskirka, payka wanachinakuna pakta pakta alli chayanamantami rimarka shinallatak kamaykuna wakllirishkatapash riksinami kan nirka. Kay illapawan llakichikpi, tantanakushpa llakichikpi, chukita pakalla llukshichikpi shinallatak shuktak ruraykunapipash wanachinata allimi kutin rikuna nirka.
Kay COIP kamachiy mushukyachiynapika chunka ishkay wanachiytami mirachin; ayllukunata mintalana; chanishpa wanachina; ayllukunata pakashpa shuwana; ñawinchinalla uma chinkachinata ruranapi; ñawinchinalla uma chinkachinata mintalanapi; chukikunata pakalla llukshichinamanta; mana allimanta charina mirashkata; illapakunata pakalla mintalanamanta; chukita chayachik illapakunata; ukun ushay shinallatak kawsaymanta llukshishka illapakunata; llakichinapak kullki chayachinamanta; shinallatak tantanakushpa llakichinamanta. LLakichiykuna mashna paktarishkata rikushpa wanachiynakunaka 30 watakunata wichkanapak.
Shinallatak kaypika wanarikuk ayllukuna pashkashka nakashpaka chawpilla paskashka yanaparinaman mana kimiriy ushankachu, alliman kawsana ukupi; illapakunata, tukyachinata napashapak Fuerzas Armadas, Policía Nacional tantanakuykuna charina illapakunawan kakta hapishpapish wanachinapak riksin; shinallatak kay hapishpa llakichinapak illapakuna, tukyanakuna, shuktak hillaykunapash ka, tukuy nakashpaka rakishpa maynan chayana kashkatami achikyachin.
Chaykamaka, kay Ley Orgánica de Extinción de Dominio kamachiy mushukyachinapika llakimanta charishkakunaka concusión, cohecho, peculado, llakichishpa charinata, mapa charishkata, ñawinchinapak uma chinkachinakunata ruranamanta mintalanamanta, wañuchinamanta, chanishpa wañuchinamanta, pakashpa llakichinamanta, illapata pakalla chayanata, chuki llukshichinamanta, tantanakushpa llakichikunami wanachinapak mushukyachishka kanka.
AM/cg-k
