Mamallakta Tantanakuy, kay N.° 925 niki llamkay rimanakuypimi, Ley Orgánica de la Función Legislativa kamachiy mushukyachina killkata shukniki rimanakuypi riksirkakuna, kay kamachiywanka kamachiyta ruranapak, taripanapak shinallatak llaktay chaparay paktanapakmi mashkakun, kayshina Kamachiy Awllipak llamkay alli utkashpa rurashka kachun, llaktayukta alli yanapachunpash.
Fernando Cedeño, kay Justicia Minkarishkata pushak shinallatak llamkaywillayta riksichik, Ecuador llakta ayllukunaka llamkaywasikuna sinchi kachunmi mañan shinallatak llaktayukkuna mutsushkapi pakta yanapachun kayachin.
Kayshina yuyaykunapika, kamachiy awlli paktarinatami allichina mutsurin, kay kamachiy mushukyachinapimi Mamallakta Tantanakuyman chayachishka tawka yuyaykunata kimichishkanchik, nirka.
26 kamachiy ruranapak chayachishka killkatami tantachirkakuna, chaymantami 64 niki killkakuna wiñashka, kay kamachiy rurana killkaka kamachi killkakuna riksichunmi chayan. Kamachi killkaka chusku millka killkapimi rakishka kan, Kamachiy awlli paktarinamanta; pushakta, ishkay kipapushakkunata shinallatak Consejo de Administración Legislativa wankuripi chusku rimarikkunata, imamanta llamkaymanta llukshichinata shinallatak kay yuyaypaktarinapak chawpi yalli arinishkawan paktanta; kamachi killkakkuna paykuna shutirinapak yanapak wankurikunamanta anchurikpi imashina paktarinata; shinallatak, yachak, kunanpaklla Minkarishkakuna taripay paktanapak rikuchik killkata kimichinapak achikyachin.
Kamachiy mushukyachiyka kunanpi paktarikuk kamachiypi illashkata shinallatak yuyaykuna waktarikuytami puncha llamkanapak mushuk mañaymanta allichinka.
Ashtawanka allishukuwan paktarinapak kamaytami sinchiyachin, kayshinata mana paktachikpika wanachishkami kanka, tukuy paktarinata katishpa. Kay mushukyaykunawanka Mamallakta Tantanakuypak llamkaypi sinchiyanka shinallatak llaktayukkuna riksishkapipash ashtawan allikanka.
Rimanakuypika, 19 kamachi killkakkunami willarka, Mamallakta llakta sinchiyachunka kamachiykunata rurana shinallatak llamkashkata ñawinchiynapak ruraykunatami alliman churana, shinallatak Mamallakta Tantanakuyman akllarinapak killkarikkuna llamkayñanta chayachishkata paktachichunkuna.
chayshinallatak, shuk kamachi killkak pay akllarinapak yanapak wankurimanta anchurikpi llamkaymanta llukshichina yuyayta anchuchirkakuna, kay mañayka mamakamachiywan waktarinmi, shuk wankuriman kimirina shinallatak anchurinaka munaymanta paktaymi kan. Kay kamachiy killkaka Mamallakta Tantanakuymanmi llamkay paktachun achiklla kamaykunata chayachin, llaktayukkunapak pakta alli yanaparichunkuna. Kamachiy mushukyayka Tawkallaktapura Mamallaktachiy charinatami wiñachin, kaypika runa ayllu llaktakunapak shimikunapash castellano shimipak ukupi ama rikurichun, ashtawanpash Mamallakta Tantanakuy ukupika chawpiman churashka kachunmi kayachin.
Rimanakuy wichkarinapika, Eckenner Recalde kamachi killkak ishkayniki kipapushakmi kamachiy rurana killka Justicia Minkarishkaman kutin tikrachun mañarka, kaypi rikuchishkata tantachichun shinallatka ishkayniki rimanakuypak llamkaywillayta allichichunpash.
EG/pv/cg-k
Ashtawan Shuyukuna:
