Paúl Buestán kamachi killkakmi Mamallakta Tantanakuyman shuk mañayta chayachirka, kaypika Sade Fritschi runa, Ambiente, Agua y Transición Ecológica llamkaywasita pushak ñawirichunmi mañarka, Mamallakta Tantanakuyman chayamushpaka kay Olón llakta, Santa Elena markapi wasichinapak arinsihka iñik pankakunata imamanta karashkatami willanka.
115 ari apushitaywanmi, Fritsch runa ñawirinaman chayachun mañashkataka arinirkakuna. Kayshina llamkaykunawanka kamachi killkakkuna kay yunka llaktapi kawsaymanta shustarishkatami riksichinchi, nirkami.
Rimarishpaka, Paúl Buestán runaka nirkami: "kamachiyta wakllichikta shinallatak kay Olón ukllashka llaktapi wasichinapak mutsushka hayñikunata llakichiyta mana sakina ushanchikchu, ashtawanka pachamamapi paktarinapak iñik panka karashkata riksinami kanchik, Ministra del Ambiente llamkaywasi arinishka".
Kay Olón llakta, Manglaralto kitilli, Santa Elena marka ayllukunaka kay Esterillo Oloncito kuskapi manglar yurakunata allichishkamantami atirinakushkakuna, kayshina ruraykunaka wasichinapakmi, nishpa yuyachirkakuna.
Kamachi killkakkunaka pushakkuna arinishkamanta shustarishka kanchik nirka, "uchilla kuskapimi wasichiyta kallarishkakuna shinallatak Ministerio del Ambiente llamkaywasi arinishkatapash paktashka kaypi yakupi allpata shitankapak kayshinka kay allpata wakllichishka, kay esteros yaku kuskakunaka shuk ayllupaklla kashkata shina rikushpa.
Arisdely Parrales kamachi killkak, Santa Elena markamanta runaka, Fundación Oloncito tantanakuy llamkashkata riksichirka paykunaka manglar yuyakunata rikurashpa kawsan shinallatak Comisión de Gobiernos Autónomos Minkarishkakunapash kayshina llakikunamanta riksinkapakmi kayachishka. Jaramillo Intriago runaka kayri yachaykuna paktashkata shinallatak llaktay paktashkatami rimanka, kaywan pachamamapak ukllashka kuskakunata rikurashpa katinkapak.
Paymanta, Viviana Veloz kamachi killkakka llakta pushakmanta pachamamata rikunapi pakta alli llaktaywan sumaychana nirkami, shinallatak llamkaywasi pushakkunata shinallatak llakta pushaktapashmi ima llakikuna rikurikpi pakta achikllata rikuchina shinallatak llaktaytapash anchuchina nirka.
Adrián Castro runaka llakta pushakkunami pachamamapi llamkanapak arinishka iñik pankata imamanta chayachishkata riksichina kan shinallatak kay taripayta Comisión de Biodiversidad Minkarishkaman chayachina kaypi pakta allinta rikushpa riksichunkuna.
Jorge Peñafiel runaka pachamama ukllashkapi llamkanapak arinishka iñik pankata chayachishkapi llaki tiyashkakanamanta shutarini nirka, kaypi ima llaki rikurshkata achikyachinapak shinallatak shukllapak llamkaymanta llakapak llamkaypi ima mañay rikurishkata achikyachina nirka.
SJ/pv/cg-k
Ashtawan Shuyukuna:
