Mamallakta Tantanakuyka Derecho a la Salud Minkarishkatami Ministerio de Salud llamkaywasi dengue unkuyta harkanapak, allikachinapak, shinallatak hampinapakpash imalla ruraykuna paktashkata ñawinchiychun minkarka, chaykipaka Sociedad de Lucha Contra el Cáncer (SOLCA), clínicas de diálisis hampina wasikunaman llamkashkamanta kullki chayachikushkata ñawinchiy kallarichun arinirkakuna.
Franklin Samaniego kamachi killkak, yuyarinakushka killkata arininapak mañayta chayachik, tukuy mamallaktapi 2024 wata kay dengue unkuywan 23 waranka ayllukunami rikurirka, kayshina rikukpika mirashkami kan, kay 2023 watapika 4 waranka ayllukunami unkuypi urmarka.
"Kay Manabí markami 3.785 unkushka; Santo Domingo de los Tsáchillas markapi 2.898 unkushka; El Oro markapi 2.804 unkushka, shinallatak kay unkuywan 27 ayllukunami wañurka", nishpami kamachi killkak willarka.
SOLCA hampina wasimantaka, Mamallakta kutichinapak kullkika 9 hunu dólar paktami kan, chaymi, kay hampina wasikuna, tukuy llaktapi, Ministerio de Salud Pública llamkana wasimanta kachashka unkushka ayllukunata mana pakta hampishka, nirka.
"Loja markapi, SOLCA hampina wasika ancha unkushka 70 ayllukunatami killan killan chaskikuna shinallatak 729 unkushka ayllukunami Llakta llamkaywasimanta kachashka unkushkata yanapan"
Ashtawanka, kay yuyarinakushka killkapika Salud, Economía, al Instituto Nacional de Investigación en Salud Pública shinallatak Defensoría del Pueblo Minkarishka; shinallatak pushakkuna kayachina, paykuna imalla llamkashkata mana rurashkatapash riksinapak.
Puchukaypika, 30 punchakuna uykupi Minkarishkakuna shuk riksichik llamkaywillayta Mamallakta Tantanakuyman, imalla paktashkata riksichichun mañankuna.
CV/pv/cg-k
Ashtwan Shuyukuna:
