Mamallakta Tantanakuyka kay Ley Orgánica Reformatoria para la Erradicación de la Violencia y el Acoso en todas las Modalidades de Trabajo kamachiy rurana killka allichinaman kachashkatami, tukuykuna allinirka, 120 ari apushitashkawan, allichinaman kachashkata pichkaniki, pusakniki, iskunki. chunkaniki shinallatak chunkaniki shuk killkatami hapirkakuna; shinalltak Mamallakta arinishka killkatapash 101 ari apushitaywanmi kay 1, 2, 7, 8, 10 shinallatak 11 killkata kutinpash arinirkakuna.
Llamkaymanta tukuyshina llakita shillatak wakllichitapash harkanapak anchuchinapak shinallatak llamkaypi ayllukuna punchanta wakllichiyta chimpapurakkunata harkanapak, kaytami Código del Trabajo y a la Ley del Servicio Público kamachiy mushukyachishkawanka paktanapak mashkakun, shamuk punchakunami Kamachi Kipukpi willachishka kanka. Kay kamachiyka llamkana wasikunapo llakikunata harkanapak, shinallatak ima huchachiy tiyakpi taripanapakmi yanapanka.
María Teresa Pasquel kamachi killkak, llamkaywillayta riksichik, allichinaman kachashkapika Corte Constitucional rikuchishka killkatami kunkashkakuna, kay llamkaypi llakichiymanta rimashkata, Mamakamachiy, Convenio 190 de la OIT killka, Convención Interamericana para los Derechos Humanos killka, Convención Belém Do Pará para Erradicar la Violencia contra la Mujer killka, Ley contra la Violencia a la Mujer kamachiy, hatun yuyayta paktanapak killkakuna, kamayta paktachinapak, kamayman yaykunapak, utkashka yanaparinapak, mitsarinapak hayñi shinallatak kamachi killkakuna taripayta katinapak rikurana nishkata mitsarinapak yanapana nishkatapash katina mutsurin.
Kay kamachiyka llamkakuna, llamachikkuna, pushakkuna shinallatak kamachi killkakkuna mutsushkatami rikuchin, llamkaymanta mamakamachiypi rikuchishka hayñikunata paktankapak, llamkaypi paktarik ayllukuna wiñarinata sumaychankapak, shinallatak llamkak ayllukunapak samana pachakuna mutsurishkata sumaychanamanta shinallatak llamkakpak llikapankapi tinkirishkamanta anchurinamantapash.
Rimanakuypika, Paola Cabezas kamachi killkaka llamkaypi wakllichiyna shinallatak llakichiypash ama tiyachunmi pakta llamkana nirkami. Yuyachirkapashmi kay kamachiy rurana killkataka Mamallakta Tantanakuymi tukuy chaypikak 128 kamachi killkakkunawan llamkayta sinchiyachinapak arinishka kan, shinallatak Luzmila Abad kamachi killkakka Mamakamachiy rikuchishkata paktana kan, kayshinami llamkakpak hayñikunata paktachichishun shinallatak llamkaymanta llakikunata anchik kamachiyta arinishun, nirkami.
Pamela Aguirre kamachi killkakka kay OIT kamayka llamkaypi llakikuna waklliriy illak kana ninmi, kay yuyaykunami mushuk kamachiypi kimirina kan, shinallami llamkakkuna shinallatak llamkachikkunapash wiñarinkakuna nirkami. Leonardo Berrezueta kamachi killkakka allichinaman kachashka llakikamaymi kan, shinami, shuktakpi rikushpaka, Mamakamachiy rikuchishkata shinallatak Convenio 190 de la OIT killkaman Ecuador llaktapash kimirishkata mana rikushpa rurashkami kan.
Kamachiy rurana killkapika, uchilla kamachiy ruranapak llamkakkunami chaypi kanka shinallatak llakikunata harkanapak wakllichinapak imalla paktanatami pushakmanmi willachinka.
Llamkaypi llakichiy wakllichiypash ima kashkata riksichiiyka ninmi, tukuymanta mana alli paktaykuna ruraykunapash, kamirishkakunapash, kaykunami llamkakta llakichik nishpa ri
Chaypakka, tukuy llakikunata, kikinkay llakichiyta, chikanyachiyta, manchachiyta, makayta, wakllirinalla llakikunata, yuyaypi manchachiyta, llamkaypi wakllichiyta shinallatak killa kullkipi chikanachiytapash harkanapak kamachiyta wiñachinka.
Durante el análisis del proyecto la Comisión del Derecho al Trabajo socializó la propuesta a través de la página web y de las redes sociales de la Asamblea Nacional. Contó con los criterios de los ministerios de Trabajo y de Inclusión Económica y Social, así como del Instituto Ecuatoriano de Seguridad Social (IESS), Fiscalía General del Estado, docentes universitarios, abogados en libre ejercicio, expertos en la materia y el acompañamiento permanente de la Organización Internacional del Trabajo (OIT).
Kay kamachiy rurana killkata Comisión del Derecho al Trabajo Minkarishkapi allichikuy pachakunaka tukuy yuyaykunatami Mamallakta Tantanakuypak llikapankapi riksichirka. Kaymanka Trabajo Llaktapak llamkaywasi shinallatak Inclusión Económica y Social llamkaywasi, Instituto Ecuatoriano de Seguridad Social (IESS), Fiscalía General del Estado tantanakuykuna, Sumak Yachanawasipi yachachikkuna, kikinman kamaypi llamkakuna, yachakkunana shinallatak Organización Internacional del Trabajo (OIT) tantanakuymanta ayllukunapashmi chayamurka.
PV/cg-k
Ashtawan Shuyukuna:
