86 ari apushitaywanmi, Mamallakta Tantanakuyka shuk yuyarinakushka killkata Llakta pushak kay E487 Balbanera - Pallatanga – Cumandá – Bucay – Guayaquil; vía E35; vía E47; vía Calpi – San Juan – El Arenal ñankunata allichinapak kullkita chayachichun kayachin, kayshina mañaytaka llaktayukkuna tukuy llaktapi pakta kacharishka purina hayñita paktachun sumaychachunpashmi kan.
Shinallatak, Ministerio de Transporte y Obras Públicas llamkaywasipash Chimborazo markapi wakllirishka ayllukunata allichinapak utkashpa tukuy mutsurishkawan chaypi kanami mutsurin nirkakunami.
Shinallatak kay llaktapi rikunata charik tukuy llamkaywasikunapash ayllu llaktakunaman, llaktakunamanpash wakllirinallata rikushpaka mutsurishkata shinallatak pakta yanapaytapash chayachichun mañarka, pachama wakllirishkamanta, kawsakushkamanta anchuchinapak, samana wasikuna allichinapak, mikunata hampinatapash chayachinapak. Kay Alausí llaktapi 26 puncha pawkar killa 2023 watapi llakipika 65 ayllukunami wañurka shinallatak Cruz del Hueso, Cumandá llaktaman rina ñan – Pallatanga llaktapi, 23 puncha ayriwa killa 2024 wata llakikunapash yanapayta mutsunmi.
Kaymanta rimashpaka, yuyarinakushka killka mañayta chayachik, Carmen Tiupul kamachi killkak nirkami ñankuna allichinapak kullkita mana chayachinkuna, Chimborazo markapi llakimi kan, chiri llaktamanta yunka llaktaman shinallatak antisuyu llaktaman chayanapakmi mutsurin nirka. Kay Balbanera -Pallatanga – Cumandá llakta ñankunai wakllirishka llakta pushakmanta mana allichinchu, nirkami.
AM/pv/cg-k
Ashtawan shuyukuna:
