Kay Movilidad Humana Kamachiy mushukyachinata shinalltak Control del Espacio Aéreo Nacional kamachiy rurana killkatami Mamallakta Tantanakuyka llamkanapak churashka, kay kullka punchami ishkay hatun rimanakuy 09h00 pacha tutamanta kallarinka, kashnami Henry Kronfle pushak kayachishka.
Llamkayka N.° 918 niki rimanakuywanmi kallarinka, kaypika Fiscalización y Control Político Minkarishkata shuk yuyarinakushka killkawan Ministerio de Energía y Minas llamkaywasi kay llaktapi zirma illashkata chimpapuranapak rurashkata shinallatak ruranapak churashkata taripay kallarichun mañayta arinishpa kallarinka. Mañaypika, Llakta pushaktami kayshina zirma illay llakita chimpapuranapak kay llaktapi Zirma illashka llakikukunata utkashpa chimpapuranapak, shinallak allichinapakpash kullkita utkashpa chayachichun kayachinka.
Kay 10h00 pacha tutamantapakka N.° 920 niki rimanakuyman kayachishka kaypika Ley para el Control del Espacio Aéreo Nacional kamachiy rurana killkatami ishkayniki rimanakuyta kallarinka, kay killkataka Soberanía y Seguridad Integral Minkarishkami allichirka. Kay kamachiyka llaktapak wayra pachata rikuranapak, chapanapak shinallatak mitsanapak kamachiytami wiñachinka, kayshinaka wayra pachata ukllapak shinallatak sumaychanapakpash. Shinaka Ecuador llaktapi pakalla, llakichina yuyaywan wayrapi purikkunata anchuchinapak, kamanapakpash
Chaykipaka Llakta pushakta tukuy llaktapi kay Servicio de Acogimiento Institucional de Niñas, Niños y Adolescentes yanapayta utkashpa yanapana nishpa shutichinapak shuk yuyarinakushka killkata arininapak riksinkakuna, kayshina rikunataka Ministerio de Inclusión Económica y Social llamkaywasimi Subsecretaría de Protección Especial tantanakuywan; shinallatak, Ministerio de Economía y Finanzas llamkaywasipash, Llaktamanta kullkita chayachichun kayachinapak yuyarinakushka killkata arininka.
Chaykipallatakmi Comisión del Derecho al Trabajo Minkarishkapi allichishka killakta riksinkakuna, kaypika LLakta pushak kay Ley Reformatoria para la Erradicación de la Violencia y el Acoso en todas las Modalidades de Trabajo kamachiy rurana killkata allichinaman kachashkatami riksinka. Kay kamachiyka tukuyshina llamkaykunapi kikinkayta wakllichiiy shinallatak llakichiynata munay tiyashkatami anchuchinka, llaktapak shinallatak shukllapak llamkay kakpipash; shinallatak, kayshina punchanta llakita apakuk ayllukuna llakita chimpapurachunkuna.
Kay punchapi puchukay llamkanapakka Ley Reformatoria a la Ley de Movilidad Humana kamachiy mushukyachina killkatami ishkayniki rimanakuypi riksinkakuna, Relaciones Internacionales Minkarishkami llamkaywillayta allichirka, istallaktamana tikramuk ayllukuna mutsushkapi shinallatak mañashkapimi kimirin, llaktayukkuna shina kamayta ashtawan paktachinkapak. Kamachiy rurana killkapika Ecuador llakta ayllukuna ista llaktapi kamayta pakachinapak shinallatak kamayta charinapak shinallatak kamay paktakukpipash chaypi kanapak hayñikunatami paskan, shuktak yanapaykunapashmi tiyan.
PV/cg-k
