Mamallakta Tantanakuypi Energía y Minas llamkaywasi ñawpa pushak, Fernando Santos Alvite, runata llaktay ñawinchiy kallarin, Mamakamachiypi shinallatak Kamachiykunapi rikuchishkata mana pakta rikushpa llamkashkamanta, zirmata llakpi charinapak mana pakta rikushkamanta shinallatak llaktapi zirma illayman chayachishkamantapash, yaku illashkamanta, kayshina llakikunaka riksishka harkanalla kashkamanta.
Ñawinchik Nicole Saca shinallatak Adrián Castro kamachi killkakkunaka llamkaywasita ñawpa pushak Santos Alvite runaka zirmata wiñachik wasipi yachakkuna willashkata riksirkami, hidroeléctricas wasikuna shinallatak zirmata wiñachik shuktak wasikunapash kay usya punchakunapi (yaku illay) paktarinamanta. Shinallatak, chay pachakunapi llamkaywasita pushakukka Plan Maestro de Electrificación llamkanapak rikuchishkata mana purichirkachu nin, kay llamkaykunapika zirma wiñachik mushuk wasikunata ruranalla mana kanchu, ashtawanpash kunanpi tiyak wasikuna allichina, termoeléctricas wasikuna rikurana, shuktak ruraykunapash.
Ñawinchikkunaka llamkanata rikuchikmi illashka shinallatak Colombia llaktaman zirmata rantinapak pushakkuna mana riksishpa paktarishkami rikurin, chaymantami mintalanapak churashka chani yalliman paktashka, shinaka llaktapaka charishka kullkita wakllichishpa.
Mañarkami, kay ñawinchiyman kayachinapak riksichishpaki kimirishpa, Mamallakta Tantanakuy Fernando Santos Alvite runa mana pakta llamkashkamanta, kunkarishkamanta shinallatak Energía y Minas llamkaywasi pushaypi mana pakta kashkamanta shinallatak kayshina llakikunapi urmachishkamanta huchachichunmi mañarka.
Paypak manyamantaka, Fernando Santos Alvite llamkaywasi ñawpa pushakka Ecuador llaktapi zirma illay llakika ancha sinchimi shinallatak ishkay wata kipakunaka wakllirinallami kan. "Llamkaywasika zirmata rikunapak llaktaykunata allichinka, shinapash kay llaktaykunata mana paktachinchu, kay llamkaykunataka rikunata charikunami katinka kan. Yaku illayka 2002 watamanta 2023 watakamaka allimi chimpapurarkanchik, shinapash 2023 watamanta 2024 watakamami zirma pakta illashka rikurin, shinapash kayshina llakikunaka llamkaywasi pushak sumaychana mana kanchu", nirkami.
Ñawpa llamkak awlli rimayta puchukashka kipa, kutichinapak pachakunapi ña mana rimarisha nishka kipa, Mamallakta Tantantakuyta pushak, Henry Kronfle tukuy rimarichun paskarka, chay pikallatak kay 919 niki rimanakuyta harkachirka, kutin rimanakuymanka shamuk punchakunami kayachinka.
EG/pv/cg-k
Ashtawan shuyukuna:
