Kay "Juan Montalvo" Chanchapampapimi Relevo de Guardia de la Escolta Legislativa raymi paktarirka, llaktayay unanchashpa, Mamallakta Tantanakuyta pushak, Henry Kronfle kamachi killkak, chapak pushakkuna, Escolta chapakkuna shinallatak Kamachiy Awllikunapashmi chaypi karka. Shinallatak Armada Nacional, Fuerza Aérea Ecuatoriana, Policía Nacional y del Distrito Metropolitano de Quito tantanakuy pushakkunapash chayamurkami.
Yaykumuk chapakkuna chayakpi shinallatak llukshik chapak rikpipash wañushka chapakkunata yuyarishpami upallay takiyta uyachirka, Llaktapak hillayta takirka shinallatak imalla tiyashkata riksichirka kaypika Mamallakta Tantanakuyta pushak, Henry Kronfle, rimarka, mushuk Mamallakta Tantanakuyka llamkaywasita unanchayka wiñaymantami paktarishka nirkami.
"Ñukanchikpak Escolta chapakkunaka paykuna pakta atiriyta shinallatak chanitapashmi rikuchin, Ecuador llaktapak akllashka 137 kamachi killkakunata kasilla kawsapi chaparashpami llamkan", pushakka nirka.
Llaktapak kayshuk llamkay wasi pushakkunatapash makipurashpa llamkanaman kayachirka, alli llaktata charinapak yuyaywan, llakta wankurita shinallatak yuyaykuna chikan charishkatapash kunkashpa nirkami. ¡Kay Ecuador llakta ashtawan kasiklla kawsanapak kashkamanta yupaychani! ¡Ecuador llakta ashtawan llaktayuk chayanaklla kashkamanta yupaychani! nishpami puchukarka.
Kay Relevo de Guardia raymi puchukay willaytaka coronel Francisco Zumárraga pusharka, payka comandante del Escolta Legislativa pushakmi.
AM/pv/cg-k
Ashtawan shuyukuna: