Kay Relaciones Internacionales Minkarishka kay 13 killakuna llamkaypika, Ecuador llakta ayllukuna ista llaktapi kawsakukta yanapanapak, ista llaktawan makipuranapak shinallatak ayllukuna purinakunata ñawinchinapak hayñikunata paktachichinapak shinallatak sinchiyachinapak kamachiykuna allichinapimi llamkarka. Kay pachakunapika, Ecuador llakta tukuy allpapachapi riksirichun shinallatak Ecuador llakta ayllukuna ista llaktapi kawsakukta rikuranapakmi kamachiykuanta allichishka kan.
Arinishka kamachiykuna
1. Kay Ley de Cooperación entre el Estado Ecuatoriano y la Corte Penal Internacional kamachiy: Ecuador llakta ista llakta kamaywan, runapak hayñikunawan shinallatak tukuy allpapachapi llakikunata amana kunkarinkapakmi kan.
2. Kay Ley de Movilidad Humana kamachiy mushukyachina: Llaktapi ayllukuna purinakunata rikuk kamayta mushukyachina shinalaltak sinchiyachinapash, kayshina rikukunata mushuk mutsushkaman shinallatak kayshina rikuyman paktarichun.
Arinishka yuyarinakuykuna
1. Kay Tratado de Libre Comercio entre Ecuador y China: Kay yuyarinakushka killkawanka ishkantik llaktakuna kullkillamkaypi wiñarichunmi yanapanka, shinallatak llamkaykunatapash wiñachinka mushuk llamkaywasikunata kallarichinka.
2. Kay Convención Marco de la Organización Mundial de Turismo sobre Ética del Turismo: Alli kay llakta riksinata, kimichikta shinallatak paktariktami kuyuchin, ayllu tantanakuykuna chaypikanata sinchiyachishpa shinallatak llamkay waklliriytapash shitarishpa.
3. Kay Acuerdo de Asociación Comercial entre Ecuador y Costa Rica: Ishkantik llaktapura mintalayta mirachinapak wiñachinkapakpash, harkaykunata anchuchishpa saywa llaktakunapi yanaparichun.
4. Protocolo de Enmienda del Acuerdo de Marrakech killka kay Acuerdo sobre Subvenciones a la Pesca de la OMC yuyarinakushka killkamanta: Mamakuchata charishpa katinapak shinallatak mamakuchapi kawsayta ukllapanak, kay llamkaypi yanaparishpa kawsakkunata rikunkapak.
5. Kay Denuncia del Acuerdo Constitutivo del Centro Sur llamkaywillay: Ninpashmi, Ecuador llaktaman 2011 wata kimirishkamanta, Chawpiman kullasuyuka llamkaykullkipi shinallatak llaktawan yanapaypipash paktarishka. Kay tantachishka kutichina kullki 2017 watakamaka 415 hunu dolar kullkiman paktarin.
Kamachiy ruranaykuna katikun
Kay Ley de Movilidad Humana kamachiyta mushukyachik kamachiy: 5 kamachiy killkata tantachin, kaywanka llaktapi anchata llakichik ista llakta ayllukunata paykunapak llaktaman tikrachinapak, shinallatak 15 watakuna kay llaktaman ama tikramuchunkuna.
Ashtawanka ayllukuna purinakuyta rikuk kamachiyta mushukyachinapak allichinapakpash chayachina, kayshina alli pushayta, runakuna shinallatak ista llaktapi purikkuna mutsurishkata kutichinapak mutsurishkakuna.
Ñawinchiy shinallatak katiraypash
Istallkapi yachashka iñik pankata riksirina: Istallkapi yachashka iñik pankata riksirina ñawinchiy, Ministerio de Educación Superior shinallatak Senecyt tantanakuywan wakllirishka ayllukuna yanapanapak.
Llaktapak Newark, Nueva Jersey, EE.UU wasikunaman chayanapak: Kay wasikunaman chayana paktashkata ñawinchiyna, Ecuador ayllukuna istallaktapi yanaparinata sumaychanapak.
Kay Ministerio de Relaciones Exteriores yanapashkata ñawinchina: istallaktapi kawsak ayllukunaman yanapay chayachinapak churashkata rikuna, ashtawankarin kamay paktanamanta shinallatak kullki llamkaymanta yuyaypaktarishka, kullkimashka minkay yallishkamanta.
Shamukpi ruraykuna
Kay Relaciones Iternacionales Minkarishkakuna BanEcuador tantanakuypak llamkaywillayta chaskirka, kaypika kullkimañachinata kutinkallarichina, istallaktapi kawsakunaman kullkita mañachinamanta. Ashtawankarin, Ley de Servicio Exterior, Ley de Defensa del Migrante Ecuatoriano kamachiy mushukyachinapi llamkanka shinallatak Ecuador llakta ayllukuna wañukpi kay llaktamana kutichinapak shinallatak ista llaktapi charishkata apamunapak mañaykunata rikun.
Puchukaypika, Ley de Movilidad Humana kamachiymanta rikuchishkata paktachinata, kay N.° RL-2023-2025-006 killkamanta, Minkarishka ukupika kamachiy imashinalla paktashkata ñawinchiymi katinka, kaypika istallaktapi kawsak aylluman yanapay chayachina shinallatak sistema de calificación nacional killkapi kimichina, kay puchukay llamkaywillayka 03 punchamanta 16 puncha 2025 watakama arinishka kanka.
MEV/cg-k
