Llaktay mutsurishkamanta shinallatak kutin kutinpash, llakta pushay akllayman kimirik, Daniel Noboa, tukuy allichina mashkawan, Ecuador llakta ayllukunata shinallatak wakllirinalla ayllukunatapash washayachishpa katikun. Shuk killa manarak paktakpi, LLakta pushakka, Ecuador llaktawan mana sumaychashpa, 6 kamachiy rurana killkatami allichinapak tikrachishka.
Mamallakta Tantanakuyka, yanaparik ayllukunawan shinallatak tantarikunawanpashmi, kay Seguridad Social en Galápagos kamachiy mushukyachinata; Ley de las Personas Adultas Mayores kamachiy mushukyachinata; shinallatak, Ley de Seguridad Social mushukyachinatapash allichirkakuna.
Mamallakta Tantanakuypi arinishka 3 kamachiy rurana killkata, Llakta pushakka yuyak ayllukuna paykuna yuyakyayta, alli kawsayta, hampirinata, shinallatak utkashpa yanapay chaskinata yanapay mashkatay wakllichishpa; ashtawankarin Galápagos llakta ayllukuna kikin llamkay charina alliyanata kay Sistema de Seguridad Social yanapaypak pakta alli yanapayta chaskinata wakllichishpami killkata tukuy allichinaman tikrachishka.
