Tukuykunami, Mamallakta Tantanakuypi, 121 ari apushitaywan, kay Ley de Prevención, Detección y Combate del Delito de Lavado de Activos y de la Financiación de Otros Delito kamachiy rurana killkata arinirkakuna, kaywanka Consejo Nacional de Coordinación contra el Lavado de Activos y sus Delitos Precedentes, la Financiación del Terrorismo y de la Proliferación de Armas de Destrucción Masiva (CONCLAFT) tantanakuytami wiñachin, kayshina mapa kullki charinata pakta chimpapuranka.
Mamallakta Tantanakuyta pushak, Henry Kronfle runaka kay arinishka kamachiyta kunanpi pushakuy llamkaypi N.° 24 niki arinishka kamachiymi nirka, tukuy chaypi kak kamachi killkakkunapak arinishkatami chaskirka.
Nathaly Farinango kamachi killkak, kay llamkaywillayta riksichik, kay Centro Estratégico Latinoamericano de Geopolítica tantanakuywan yuyarishkapika, Ecuador llaktapika, kay PIB yupaymanta 2 - 5% patsakman yallin. Ashtawan, imalla llakichiykunata kay kamachiy riksishkatami rimarka; CONCLAFT wankurita wiñachin; shinallatak Unidad de Análisis Financiero y Económico (UAFE) wankurita sinchiyachin; mapa llakimanta kullki yaykuyta rikuk wankuriyta wiñachin; UAFE tantanakuy pushak akllanata shuktakyachin; kullkimanta man kullkimanta rikuna charik ayllukunapak shutita churashpa chaparanapak churan, shuktak ruraykunatapash.
Rimarinakuypika, Cristhian Vega kamachi killkakka kay kamachiyka llakichik wankurikunatami kullkita kichun nirkami. Patricio Cisneros kamachi killkakka Ecuador llakta ayllukunata kunanpi manchachiyka llakichiykunami kan, chaytami kay mushuk kamachiywan chimpapurashun nirka. María Erbs warmika mapamanta yaykuk kullkita rikunkapak makipurashpa llamkana kan nirka. José Vallejo runaka yallik wataka 1.500 hunu dólar kullkitami llakikunamanta rikurishkashina kan nirka, ashtawanka 2016 watamanta 2020 wataka 12 llakikuna wachachishkami tiyashka rikurin nirka.
Kayshuk kamachiy killkakkunaka kayshina mapa kullkita purichishpa llaktakunata wakllichishkamantami rimarka; shinallatak Grupo de Acción Financiera Latinoamericana conocido como GAFILAT wankurikuna sinchita llamkashpa, Ecuador llakta watan watan 3.500 hunu dólar kullki mapa ruraymanta chayashka nirka, chaymanta achka kullkimi umachinkachiy llakimanta chayashka nirka; kay kamachiyta paktarichun churanapak llakta pushak llamkaykullki mutsushkamanta; UAFE wankurita sinchiyachinamanta, kayshina llamkayta ñawpak chaparanapak; pakalla chuki llukshichiypi 2022 watamanta 810 hunu dólar kullki llukshishkamanta; pakalla kullki purinata harkanapak kamaykuna; shinallatak, GAFI wankuriywan yuyarinakunapak ruraykuna.
Mushuk rikuykunapika, Lucia Posso kamachiy killkakka shuk Sistema Integrado de Coordinación churanapak mañarka, mapa kullkikuna shuktak llakichiyta yanapanaman ama yaykuchun; shinallatak, Katiuska Miranda runaka llamkaykuna ama kimirichun rikurana kan nirka, kay kamachiy rurana killkapak 5, 8, 17 niki killkapi rikuchishkata paktarinapak.
Kay kamachiyka, kay 2016 watapi churashka kamachiypak rantimi yaykurinka, 94 niki killkata, 4 tukuy paktachik killkata, 5 asha pachapak churashkata, 5 mushukyachikta, 1 anchuchikta shinallatak 1 puchukachik killkatami charin.
AM/pv/cg-k
Ashtawan shuyukuna:
