Kay Cuerpo de Vigilancia de la Comisión de Tránsito del Ecuador (CTE) tantanakuypi llamkak ayllukuna akllashka samarinata yanapanapak, paykunapak llamkayka chinkayashka kashkamanta, chaymanta 25 watakunata kullkiwan kimirishka kipa, mashna wata charishkata mana rikushpa chayachinapakmi kay Ley de Seguridad Social kamachiy mushukyachinapak kamachiyta mashkakuna, Mamallakta Tantanakuypi shukniki rimanakuyta yallirka.
Kay rimanakuyka Comisión del Derecho al Trabajo Minkarishkapi allichishka llamkaywillaypi kimirishpami paktarirka, shinallatak kay killkata allichinapakka wankurikunawan, pushakkunawan shinallatak kay Cuerpo de Vigilantes de la CTE tantanakuyta pushak Comandante runawan, Club de Tropa de la CTE pushakwan, Federación Nacional de Agentes Civiles de Tránsito del Ecuador shinallatak Asociación de Municipalidades del Ecuador pushakkunawanpash rimanakurka.
Jaime Guevara kamachi killkak, llamkaywillayta riksichinapak minkashka, CTE tantanakuy, 76 watakunami wiñarishka kipaka antawakuna purikta rikunapak hillayta charin shinallatak antawa rikushpa llamkakta yachachinapash, nirkami, shinallatak kay Código Orgánico de Entidades de Seguridad Ciudadana y Orden Público (COESCOP) kamachiyka rikunata charik Llamkaywasitami Llamkashkamanta, IESS tantanakuypash kayshina kamachiywan ukllarishpa llamkakkunata kallaripi churashpa rikuchun mañan, nirkami.
Nirkapashmi kayshina yachaykunapi riksikpika kullkika tiyanmi chaywan samanaman llukshik ayllukunata yanapana kan shinallatak kayshina kamachiy ruranapak mañashkaka achka watakunapak paktariy ushanmi nirka, kay IESS tantanakuyta mana wakllichishpa. Kay kamachiy rurana killkaka pachapi tiyashpa katinapak imashina kulli paktarinata riksichinmi shinallatak llamkak ayllukunapak paykunapak hayñita charinmi Ecuador llakta ayllukuna kasiklla kawsachunmi yanapan. "Kay Seguridad Social tantanakuywan cuerpo de vigilancia de la CTE tantanakuyta kamaypi paktachin" nirkami.
Rimanakuypika Mauricio Zambrano kamachi killkakka kay mañayta chayachirkami kayshina llamkak ayllukuna manchanaypi, ancha wakllarinallapi kaypunchakuna llakikuna mirashkamanta shinallatak chiri kunkun puncha tuta paykunapak kawsayta wakllichishpa llamkakushkamantami chayachini nirka. Cristhian Vega runaka kayshina llamkak ayllukuna pakta alli samana pachata charichun kamaywan kimirishkawanmi yanapana kan, nirkami.
Paymantaka, Margarita Arotingo kamachi killkak nirka, llaktapak kayshuk llamkaywasipi llamkak ayllukunamanpash kayshina yanapayta chayachinapak arininaman kayachirka, kayshuk ayllukunaka COESCOP kamachiyma paktarin shinallatak chapashpa llamkakkuna sinchita llamkashkata riksirirka.
Kamachiy rurana killkawanka, 25 watakuna llamkaymanta kullki chayachishkawan samana pachaman kimiriy ushanka, mashna wata charishkata mana rikushpa, puchukay killapi hapikushka killkiwan llukshinka.
PV/cg-k
Ashtawan shuyukuna:
