Mamallakta Tantanakuyka llaktakunaman chayanka -10 punchamanta 16 punchakaman raymi killapi- llaktayukkunwan tawka rimanakuyta paktarka, kay rimanakuykunapika kamachiy rurana imashinalla paktakushkatami riksichirka, shinallatak arinishka shinallatak rurarikuk kamachykunatami riksichirka.
Awaki 10 puncha raymi killa
Manabí marka Casa Legislativa wasipimmi COIP kamachiy mushukyachishkata pichka tantanakuypi riksichirka, kay kamachiyka kari warmi wawakunata shinallatak wamrakunatami llikapankapi wakllichiymanta ukllan nirkami.
Awkarik 11 puncha raymi killa
El Oro markapi Ley de Salud Mental kamachiyta riksichirka, kaypika Colegios de Bachillerato José Antonio Jara shinallatak Fausto Molina Molina yachanawasi, Santa Rosa kitimanta yachakukkuna yachachikkunapashmi chayarkakuna, Manabí markapika Ley de Prevención y Erradicación de toda forma de Acoso Laboral kamachiy imalla yanapay charishkatami riksichirka.
Chaykamaka, Orellana markapika COIP kamachiy mushukyachishkatami antawa purichikkuna imashina paktachinata, ñankunapi alli purinata shinallatak llaktapi ñawinchiykunata ashayachinamantami rimanakurkakuna, kaymanka Orellana marka Chapakkunami chayarkakuna.
Chillay 12 puncha raymi killa
Galápagos marka, Santa Cruz llaktapi ayllukunawan Ley de Competitividad Energética kamachiy rurana killkamanta rimanakurkakuna. Shuktakmantaka, Manabí llaktapimi Ley para la Prevención y Erradicación de toda forma de Acoso Laboral kamachiypak yanapaykunata riksichirka. Morona Santiago markapika Ley de Defensa y Desarrollo del Trabajador Autónomo y del Comerciante Minorista kamachiytami riksichirka. Zamora Chinchipe markapak Casa Legislativa wasipika Ley de Salud Mental kamachiytami Unidad Educativa del Milenio “Guayzimi” yachanawasi kay Nangaritza kitipi yachachikkunaman riksichirka.
kullka 13 puncha raymi killa
Azuay markapika Ley del Sistema Nacional de Contratación Pública kamachiy mushukyachina killaktami Auditorio del Registro de la Propiedad de Cuenca wasi ukupi riksichirka. Chaykamaka, Morona Santiago markapika Código del Trabajo kamachiy mushukyachina kamachiytami chichu warmikunata shinallatak tantanakuy pushakkunata Despido Ineficaz llamkaymanta chikanyachiy paktanata rimanakurka. kay Instituto Tecnológico Superior “Oriente” yachayana wasi, Joya de los Sachas wasipi Yachakukkuna, yachachikunamanpash Orellana markapak Casa Legislativa wasipi kay Ley de Prácticas Estudiantiles y Pasantías Preprofesionales rurana kamachiyta riksichirkakuna.
Sucumbios markapika Código Civil kamachiy mushukyachinata shinallatak sawarishkamanta rakirinapak shuktak kamachiykunatapash rimanakurka. Zamora Chinchipe markapika, Ley de Salud Mental kamachiytami Colegio “Zumbi” yachana wasi kay Centinela del Cóndor kitipi yachakukkuna yachachikkunamanpash riksichirka.
Chaska 14 puncha raymi killa
El Oro markapika ishkay tantarimi tiyarka kaypimi Ley del Deporte, Educación Física y Recreación para beneficiar a la niñez y adolescencia kamachiykuna imalla yanapay charishkata riksichirka. Galápagos markapika COIP kamachiyta mushukyachishpa kari warmi wawakunata shinallatak wamrakunatapash llikapankapi llakichiyta harkanapak yanapay charishkatami ayllukunaman riksichirka.
Imbabura markapak Casa Legislativa wasipika llaktayukkuna imashinalla kimirinapak hillaykuna tiyashkatami riksichirka. Shinallatak, Morona Santiago markapika Morona shinalltak Logroño kiti llakta ayllukunawanmi Mamallakta Tantanakuypi llamkaykuna paktashkata rimanakurka.
Paymantaka, Sucumbios markapika Ley Reformatoria a la Ley Especial Amazónica kamachiy imalla charishkatami riksichirkakuna shinallatak puchukaypika Zamora Chinchipe markapika "Soberanía Nacional” yachanawas Paquisha kitipi yachakukkunaman shinallatka yachachikkunamanpash Ley de Salud Mental kamachiyta riksichirkakuna.
Kimirinamanta shinallak llaktayuk chaypikanamantapash ruraykuna
Kay chaska 14 puncha raymi killaka, “La Asamblea en mi Universidad” rimanakuymi paktarka, kaypika Universidad Metropolitana del Ecuador (UMET) sumakyachana wasipi, shinallatak institutos Superior Tecnológico Sudamericano, Cre-ser y Superarse yachana wasikunapi yachakkunami rimanakunaman chayamurka.
Kamachiy rurana Yachanawasi
Kay hunkayka “Rompiendo Barreras: Lideresas en contra de la Violencia Política de Género” rimanakuymi paktaka. Shinallatak "Curso en la Administración Pública en la lucha contra la corrupción” yachaymi paktarka. Puchukaypika, “Fortalecimiento de la Democracia y Derechos de la Juventud” rimanakuy tiyarka.
WS/pv/cg-k
