Mamallakta Tantanakuypimi kay Ley Orgánica para la Aplicación de la Consulta Popular y Referéndum del 21 de abril de 2024 kamachiy rurana killkata shukniki rimanakuypi riksirkakuna, kay kamachiywanka Código Orgánico Integral Penal (COIP) shinallatak Ley Orgánica de Extinción de Dominio kamachiytami mushukyachinka.
Tantachishka llamkaywillayka Llakta pushak kachashka pichka kamachiy rurana killkatami tantachin shinallatak 24 niki killkatami charin, kaypika llakichiyta chimpapuranapi, tantarishpa llakichikta, pakalla chuki llukshichiktami yanapanka, shinallatak mana allimanta charishka shutirishkatapash anchuchinka.
Carlos Vera Mora, kay Comisión Multipartidista Minkarishkata pushak, mushukyachinata riksik shinallatak llamkaywillayta riksichinka, Ecuador llaktaka ñawpa pachakunapi mana riksishka llakichiytami chimpapurakun, chaymantami sinchita mana manchashpa llamkachun kamayta paktachikman shinallatak llaktapi chapak tantanakuykunamanpash hillaykunata utkashpa chayachina mutsurin, nirkami.
"Llaktapak llamkaywasi pushakkunawan, yachay tantarikunawan shinallatak kamayta chimpapuranapi wankurishkakunawanpash, mushuk llakikunata wiñachinapak allichirkakuna, kaypika llaktapak chapakkunapak illapata charina, shinallatak llakta wakllichikkuna, uma chinkachina mintalakkuna, chukita pakalla llukshichikkuna, kullkimanta wañuchikkuna, ayllukunata pakalla pushakkuna, wawakunapak kikin kayta llakichikkuna, shuktakkunapash 30 watakunata wanachinapak mirachishka", nirkami.
Kay rimanakuypika 13 kamachi killkakunami rimarirka, paykunaka llakta ayullukuna taripashkapi kutichishpa mañashkatami paktachina kan nirkakunami.
Lucía Posso, Catalina Salazar shinallatak Steven Ordóñez kamachi killkakkunaka 12 llakikunamanta wanachinami ashtawan shinchiyanka, kayshina llakikunapi paktarikta tukuy kamachiywan sinchita wanachinapak. Shinallatak nirkami wanarikuk ayllukuna: wañuchishkamanta, warmikakpi wañuchishkamanta, kullkimanta wañuchishkamanta, shinalaltka ayllukunata llakichikpi ayllukuna wañushkamanta wanarikukkuna yanapay paktanatami anchuchirka.; shuktak kunapash.
Paymantaka, Vicente Taiano, nirkami kay mushukyaykunaka kikinmanta mana alliyachinkachu, shinapash llakichikta pakta chimpapuranapak yanapak hillaykunami kan, kayshina llakitukuk ayllukunapak nanaypi kutichinapak.
Patricia Mendoza shinallatak Fernando Cedeño kamachi killkakkunaka wanachinapak paktarinata shinallatka mashna wanay chayachinatami chaparana kan, kayshina pakta wanachiyta llakichikman chayachinkapak. Wanachiyta mirachinaka mana paymanta llakichiyta ashayachinkachu. Hayñikuna paktarichun rikukmi kana kanchik shinallatak mutsurishka kamachiykunata mushukyachinapak kayshina mamakamachiyta mana wakllichishpa tukuy mutsurishkata katishpa rurankapak, nirkakkunami.
Puchukaypika, Inés Alarcón kamachi killkakka llakichikkunata katihapishpa illapakunata kichushpa Policía Nacional nakashpak mutsurik Fuerzas Armadas tantanakuykunaman llamkachun chayachinapak kamachiy mushukyachina allimi kan nirkami. "Rikuypika, 32 waranka illapakunatami kay 2023 watapi llakichikkunata kichushka, kaykunamantaka, 14% patsakmi, 4.597 illapakunami llaktapi chapakkuna paykunalla paktarinakuna kan. Kay mushukyaywanka llakichinapak charikushka illkapakunaka llakichikta chimpapuranapakmi paktarinka", nirkami.
Rimanakuy paktarishka kipa, Mamallakta Tantanakuyta shukniki kipaspushak, Viviana Veloz kamachi killkakka Comisión Multipartidista Minkarishkaman tukuy yuyaykuna tantachishkata chayachinapak mañan kaypimi tukuy riksishpa ishkayniki rimanakuypak llamkaywillayta allichinkakuna.
CV/am/cg-k
