Kay seguridad social tantanakuypak llikata sinchiyachinatami kullkiwan mushuk llamkayta purichinapak shinallatak llamkay achiklla kanatapash mashkakun, kay ruraykunatami kamachiy rurana killkawan tawka kamachiykunata mushukyachishpa Seguridad Social en Ecuador tantanakuy pakta llamkay charichun mashkakun, kay kamachiytaka Ley Esse shutiwan rikshin, Mamallakta Tantanakuymi kay kulla puncha 74 ari apushitaywan arinirka shinallatak Llakta pushakpakman chayanka kaypi arinichun nakashpaka allichinapak rikuchichunpash.
Mamallakta Tantanakuyta pushak, Henry Kronfle Kozhaya runaka kay arinishka kamachiyta kunanami LLamkaypaktakuk pushaypi 23 niki kamachiymi arinishkami kan shinallatak PSC wankuriwan makipurashpa llamkashkamanta yupaycharka.
Kamachiy rurana killkaka killkarishka shinallatak samakuk llamkak ayllukunapak kullkiwan llamkay llakipi urmanatami ashayachin, kayshina llamkayka allin llamkanata shinallatak alli pushaytami mutsun.
Ashtawanka, kullkiwan llamkay alli paktarichun shinallatak utkashpa llamkashka kachunmi rikuchin; kullkillamkayta shukyanchishpa riksinapak shinallatak llamkaywasipak llamkak ayllukunapak kullkitapash chaparanapak, shinallatak mana alli paktakpi wanachinapakpash.
Kay kamachiy rurana killkapika, BIESS kullkiwasimi tukuy pachakuna kullkiwan llamkay imashina paktashkata willashpa riksichinka shinallatak ushashpaka kay kullkillamkay imashina mirashkata, mashna pachapak, mashna kulli, mashna wawakullki, ima llakikuna tiyana, yanaparina rikurishkatapash riksichinka.
kay seguridad social llika achka pachakunapak tiyashpa katichunka kullkiwanllamkay shinallatak achikllata paktarinami ancha mutsurin, kayshina shuk alli sinchiy kullkiwan llamkay llika tiyakpika Ecuador llakta ayllukunapak charishkatami sumaychan, kayshinaka hampirinaman, ayllukuna mutsushka yanapayman paktariy ushanka, ashtawankarin samanaman llukshishka pachakunapash, kashnami Derecho al Trabajo Minkarishkata pushak, kay killkata riksichik, Johnny Terán, runaka nirka, kayshina llamkaykunaka Seguridad Social del Ecuador tantanakuyta ukllanapakmi yanapan, shinami shamuk pachakunapi tiyashka katichun ashtawan Ecuador llakta ayllukuna yanaparichun sinchiyanka.
Kullkiwasipak llamkaytaka punchantami rikurana kanka shinallatak kullkita rikuk tantarikunapash allikanata, uktashpa llamkanata, kullki charinata, ashtawanka kullkitatak charinapak ima llakikunamanta anchurinapimi yanapanka. Kay Junta de Política y Regulación Financiera tantanakuymi shuk kamachiyta tukuy imashinalla paktarinata churashka riksichinka.
RSA/pv/cg-k
Ashtawan shuyukuna:
