Kay Consejo de Administración Legislativa (CAL) wankuriyka kay aymuray, inti, sitwa killakuna 2024 watapi chayachishka 17 kamachiy rurana killkata, Unidad de Técnica Legislativa (UTL) tantanakuymanta kamak shinallatak rikuchik llamkaywillay killkata riksinallapak chayachishkapika akllanapakmi rikuchishka karka.
Justicia Minkarishkami chusku kamachiy rurana killkata rikishpa allichinkakuna: Código de la Democracia; Código General de Procesos; Código de la Función Judicial; COIP; shinallatak, Ley Orgánica de la Función Legislativa (LOFL) kamachiykunata. Shinallatak Ley Orgánica para crear el Sistema Nacional de Archivos kamachiy rurana killaktapash allichinkakuna.
Kay Ley de Vigilancia y Seguridad Privada kamachiy rurana killka, shinallatak kay Ley de Apoyo Humanitario para Combatir la Crisis Sanitaria Derivada del Covid 19 kamachiypak 19 niki killkata anchuchinapak mañashkataka, Derecho al Trabajo Minkarishkapimi llamkankakuna.
Kay Desarrollo Económico Minkarishkakunami ishkay kamachiy mushukyachinata allichinka, shukka Ley de Desarrollo Fronterizo kamachiy shinallatak kayshukka Ley de Emprendimiento e Innovación kamachiymi. Shinallatak Soberanía Alimentaria Minkarishkaka Ley de Territorios Ancestrales y, para Fortalecer el Sistema de Seguridad en el Sector Pesquero kamachiytami riksishpa allichinkakuna..
Kay COOTAD kamachiyta mushukyachinapak ishkay mañashkapika kitilli wiñachinata shinallatak upyana yakuta, mapa yaku apanata shinallatak tarpunapak yaku charinatami ashtawan sinchiyachinataka, Gobiernos Autónomos Minkarishkapimi llamkankakuna.
Kay Régimen Económico Minkarishkakunaka kay Ley del Sistema Nacional de Contratación Pública kamachiy mushukyachinapimi llamkankakuna, shinallatak Educación Minkarishkakunaka kay Ley para la Regulación y Promoción de la Inteligencia Artificial kamachiy rurana killkatami riksishpa
Ashtawanka, Biodiversidad Minkarishkakunaka Ley de Recursos Hídricos kamachiy mushukyachinatami rimanakunkakuna, kay kamachiyka kawsanapak yakuta shinallatak yakumanta chanikunatami pakta churanapak mashkakun.
Llamkayta hapik Minkarishkakunaka chay yuyaytallatak charik kamachiy rurana killkakunata shukllapi tantachichunmi arinirkakuna.
Shuktak rikuypi, kay LOFL kamachiypak 75 niki killkapi rikuchishkamanta, CAL wankuriymi Lenin Barreto kamachi killkak willayta mañakpi mana chayachikkakpi kay tukuy killkakuna, Transparencia Minkarishkaman, kamachiy rikuchishkata rikushpa paktarichun chayachinapak yuyarirkakuna.
Shinallatak Mamakamachiypak 170, 183, 186 shinallatak 434 niki killkata mushukyachinapak mañashkatapash akllarkakuna, kay mushukyachishkawanka kamak paktarinapi kari warmi pakta pakta kachunmi rikuranka, Diego Matovelle kamachi killkak chayachirka. Kay mañashkataka kayta riksinapak wiñarishka Comisión Ocasional minkarishka llamkanka.
Ashtawanka, Fernando Muñoz runa, Tribunal Contencioso Electoral (TCE) tantanakuypi kamakta ñawinchiy kallarichin akllarka, kay UTL wankuri allichishka riksinallapak llamkaywillayta rikushka kipa, kaypika tukuy mutsurishkatami charin shinallatak akllanapak paktarinmi nishkata katishpa.
Puchukaypika, 30, 45 shinallatak 60 punchakunawan kay Comisiones Especializadas Ocasionales Minkarishkakuna llamkashpa katichun yuyarirkakuna: Análisis del Informe de Labores del Presidente de la República; Economía Popular y Solidaria; shinallatak, Tratamiento de los Proyectos de Ley de la Consulta Popular y Referéndum del 21 de abril de 2024, Minkarishkakuna.
Kayshina yuyaypaktariymanka LOFL kamachiypak 24 niki killkata rikuchishkata paktashpa, CAL wankurika pachakunata, shuk kutinlla, mirachiy ushanmi nin, kay comisiones ocasionales minkarishkakuna llamkashpa katichun.
CV/am/cg-k
