Abogado Mario Fabricio Godoy runami kay Consejo de la Judicatura (CJ) tantanakuypi hatun rimakshina llamkanapak, Mamallakta Tantanakuypak ñawpakpi, shukniki kipapushak, ana Veloz. Godoy kamachi killkak pushakukpi arinirka. Godoy runaka Corte Nacional de Justicia tantanakuy akllanapak kimsa shuti chayachishkamanta akllashkami, shinaka, kay tantanakuy pushaymanmi paktarinka.
Kay CJ tantanakuy pushayka Consejo de Participación Ciudadana y Control Social (CPCCS) tantanakuypi, yallik 10 puncha sitwa killa akllay paktashkata karishkami kan.
Kay CJ tantanakuyta mushuk pushak, Mario Godoy runaka, nirkami paypak llamkay ashalla pachakuna kashpapish, Pushanataka pakta yuyaywan, pakta munaywanmi llamkay kallarini shinallatak kamay pakta alli katichun, achiklla llamkay kachun shinallatak utkachishka kachunmi tukuy llamkaywan paktanapak yuyashpa, nirkami.
Shinallatak, kamak runakuna, llamkaypi yanapakkuna yachayman paktanata Escuela Judicial yachanawasiwan makipurashpa sinchiyachishun nirkami, kamay yachaykunaman shinallatak kari warmi paktakanaman kichkiyachishpa. Shinallatak, nirkami huchachishkakunata, llikapankapi taripaykunata shinallatak kamay paktanapak ushashkatapashmi ashtawan allichishun n.
EG/am/cg-k
Ashtawan shuyukuna:
