LLaktayukkuna shinallatak yachachikkunapash chaypi kakpimi, Mamallakta Tantanakuyta pushak, Henry Kronfle Kozhaya kay "Ruta Legislativa" antawapak llamkayta kallarichirka, kay antawaka Mamallakta Tantanakuypak llamkaytami tukuy llaktaman chayachinka.
"Kay Ruta Legislativa llamkayta kutin kallariyka Mamallaktami Tantanakuyta pushak allichishkawanmi chusku wata harkarishka washa paktarin shinallatak kay llamkaywanka llamkaykuna achiklla paktarikushkatami llaktayukman kuchuyachinka", kashnami Connie Jiménez nirka, payka Mamallakta Tantanakuypi Participación Ciudadana llakmkayta pushakmi.
"Kayshina mushuk hillaykunawanmi llaktayukman kuchuyashun, Mamallakta Tantanakuypak llamkayta riksichishun, ashtawankarin paykuna mutsushkata uyashun chakishunpash, Mamallakta Tantanakuyman mana chayamuy ushak llaktayukkunawan rimanakushun shinallatak tukuykuna tantarishpa, llakikunata allichishun" kashnami Henry Kronfle nirka.
Kay Ruta Legislativa antawaka llaktayukkuna tukuy kamachiykuna rurarikushkata, munachishpa taripashpa riksichinapakmi mushuk antanikichikta charin, kayshina tukuy willaykunata pakta pakta ayllukunaman chayachinkapak, shinallatak Mamallakta Tantanakuypak llamkayta tukuy shuyukunapi riksichinkapak.
"Llaktayukkunaman willayta chayachinapak munaywanmi, mushuk antanikichikwan, Mamallakta Tantanakuy punkuta paskan shinallatak llaktayukkunapak Mamallakta Tantanakuypak llamkaymanpash kuchuyachin", Mamallakta Tantanakuyta pushak, nirka.
Purinapika, Mamallakta Tantanakuypak willachik antawaka kallari yachanawasiman, chawpi yachana wasiman, suman hatun yachana wasiman, llaktakunaman shinallatak ayllu llaktakunamanmi chayashpa, Ecuador llakta ayllukunata yanapanapak Mamallakta Tantanakuy llamkakushkata rikichinka, shinallatak tukuy llaktapimi ayllukuna riksirinapak kuskayanka.
CV/am/cg-k
